ل ڕێـککــەفتییێن (٩-١٣/ ٩/ ٢٠٢٤) بۆ دەمێ پێنج ڕۆژان شاندێ زانكۆیا زاخۆ پشكداری د خۆلا (WP4 و WP5) یێ پرۆژەیێ (TeachersMOD) ل وەلاتێ ئیتالیا و پورتوگال بوون. هەژیە بێژین؛ ئەڤ پرۆگرامە دهێتە پشتەڤانیکرن ژلایێ ئێكەتیا ئەوروپا ڤە، بۆ پێنج كۆلیژێن پەروەردا بنیات یێن هەرێما كوردستانێ و سێ كۆلیژێن پەروەردا بنیات یێن ئەوروپی و هەروەسا رێكخراوا (UNIMED) یا ئیتالی.

بابەتێن (WP4) هاتبوونە ئامادەكرن ژلایێ رێكخراوا (UNIMED) یا ئیتالی ڤە، ل سەر ڤەكرنا خۆلان ل كۆلیژا پەروەردا بنیات، هەروەسا گەنگەشەكرن ل سەر وان ئەركێن ب هەر پێنج كۆلیژێن پەروەردا بنیات یێن هەرێما كوردستانێ هاتینە دان و چەوانیا ئەنجامدانا وان ئەركێن ب زانكۆیێن پشكدار هاتینە دان.
هەروەسا تەوەرێن خولا (WP5) گرێدای ب شیانێن پێداگۆجی یێن ماموستایێن كۆلیژا پەروەردا بنیات بوون و پلان هاتە دانان، کۆ ل هەیڤێن (١١٫١٠ - ٢٠٢٤) خۆلێن ڕاهێنانێ بهێنە پێشكێشكرن ل كۆلیژا پەروەردا بنیات ل زانكۆیا زاخۆ.
هەژیە بێژین؛ سێ سمینار هاتنە پێشكێشكێرن ژلایێ تیمێ زانكۆیا زاخۆ ڤە، دوو سمینار هاتنە پێشكێشكرن ژلایێ بەرێز (د.نزار عصمت علي) ڕێڤەبەرێ پەیوەندیێن نیڤدەولەتی یێن زانكۆیێ و  سمینارەك ژی هاتە پێشكێشكرن ژلایێ بەرێز  (د. رمضان جعفر مصطفى) هاریكارێ سەرۆكێ زانكۆیێ بو كارۆبارێن قوتابیان.

تیمێ زانكۆیا زاخۆ پێكدهات ژ ئەڤان بەرێزان:
١. پ. د. ديار عبدالكريم سعيد - كۆلیژا پەروەردەیا بنیات.
٢. پ. هـ. د. رمضان جعفر مصطفى - هاریكارێ سەرۆكێ زانكۆیێ بو كارۆبارێن قوتابیان. 
٣. پ. هـ. د. دلبرين عبدالله علي - ڕاگرێ كۆلیژا پەروەردا بنیات.
٤. د. نزار عصمت علي - ڕێڤەبەرێ پەیوەندیێن نیڤدەولەتی یێن زانكۆیا زاخۆ.